Authors

We only feature authors who have worked with us.

Victor Biak Lian

Victor Biak Lian

Pu Victor Biak Lian cu tulio Kawlram daihnak caah rian a ttuan cuahmahmi asi i, 2010 ah Norwegian Mission to the East, Vawleicung Khrifa pawl zalawnnak caah a ttuanmi buu nih daihnak Stefanus laksawng an rak pekmi asi. Laimi nih relbikmi tiah zumhmi, “Ka Philh Kho Lo” cauk a ttialtu zong asi i, a tu hi a chungkhat le he Canada ram Ottawa khua ah an um.

Screen Shot 2020-10-15 at 08.34.54

Joel Ling

Joel Ling cu Thantlang peng Tlangkhua mi Pu Dap Ling le Pi Zai Iang fapa a si. 2001 kum Institute of Economics, Yangon in B.Eco a dih. Sianghleirun a kai lioah, Chokhlei mgazine le Deirel Cazual ah editor a rak ṭuan bal. 2000 kum in nihin tiang Muko mgazin editor a tuan. Muko editor a ṭuanpah in Dingdi Music Mgazine le Tikhing Cakuat editor zong a kemhchih. Laica in cauk 12 a ṭial/chuah cang. A chungkhar he Yangon ah an um.

Bawi Tha Kung

Bawi Tha Kung

Pu Bawi Tha Kung cu Norway, Stavanger khua ah a nupi, Pi Sui Hnem Sung le a fapa he khua a sa liomi a si. University of Oslo ah Bachelor of Theology (B.Th.) a dih hnuah VID Specialized University, Stavanger ah Master of Theology (M.Th.) a dih. Cun University of Stavanger ah Postgraduate Certificate in Education zong a dihmi a si. Atu hi Immanuel Baptist Church, Sandnes ah mino le Sunday School pastor a tuan lio a si.

Screen Shot 2020-10-15 at 09.13.22

Perhkalh Thawng Uk

Pu Thawng Uk (aka. Perhkalh) cu Chin state, Hnaring khuami asi. Myanmar a rak um lioah, ralkap chan ah, Agriculture (စိုက်ပျိုးရေးရုံး) zungah kum 20 chung rian a rak ttuan bal. Kum 1995 ah Malaysia ka phan. Malaysia a um lioah Seihnam Cazual tawlreltu a rak si. 2003 ah Norway a phan. Laica in ttialmi, “Norway Laimi Genesis” le “Lai Thluak, Lai Mit, Lai Thinlung” timi cauk uk hnih zong a ttial cang. Atulio hi a chungkhar he Egersund khua, Norway ram ah khua an sak lio asi.

Mang Hlei Cung

Mang Hlei Cung

Pu Mang Hlei Cung cu Sopum khuami Pu Hram Zam (tleicia) le Pi Ni Pawng hna an fapa hniangbik a si. 2004 ah B.A History (Kalay University) a dih. Bible lei zongin M.Th a dih hnuah New International Christian College, Bangalore ah cawng chap. Mizzima News Agency ah a rak ttuan, Lai Thlizil Cazual (Bangalore), Thlalang Cazual (Delhi) hna ah editor rian, UNHCR (Delhi) ah holhleh, The Chin Star online Media Group ah Associate Editor hna le Chin ralzam cacawnnak (Community Study Center, Delhi) ah Coordinator zong a rak ttuan bal. Atu hi a chungkhar he Australia ah khua an sa.