Featured

Nifatin Van Mana: Pathian Duhnak le Lehnak

“Nifatin Mana: Pathian Duhnak le Lehnak” cauk uk khatnak chuah khawhnak a ka petu ka biakmi ka Pathian cungah ka lawm i a min ka thangṭhat. Amah cu a ka khaltu a si. Ka chungkhar khaltu a si.

Dong thiam loin ka cungah dawtnak, ṭhatnak, zawnruahnak le lungsaunak a ngeimi ka chungkhar cungah lunglawmh bia ka chim fawn. An thlacampiaknak le thazaangpeknak cu ka ṭhawnnak le ka nun sersiamtu an si.

Cun, hi cauk a chuah khawhnak dingah a caan sunglawi le thazaang pekin ka bawmtu, Salai Joel Ling cungah lunglawmhnak chim cawk lo ka ngei. Cun cauk pungsan le cafang zohfelnak a ka ngeihpiaktu Pu Thlasui Tluangneh cungah lawmhnak nganpi ka ngei fawn. A phawcuang a ka tuahpiaktu Ngun Lian Thang (Thangpi) cung zongah ka lunglawmhnak ka hun chim.

A donghnak ah Norway MaMe Team hawile vialte cungah ka lawm. Soli Deo Gloria

Bawi Ṭha Kung 10. 11. 2018

Author

SKU: N/A Categories: ,

$7.00

Description

“Ka Zul” – 1

Cun annih cu, “Ka zul u law, mi tlaitu ah ka’n ser hna lai,” tiah a ti hna (Matthew 4:19, HBT)

Jesuh nih Peter le a nau Andrew cu “Ka zul u law, mi tlaitu ah kan ser hna lai” tiah a ti hna. Lai Baibal Thiang ah cun, “Ka zul u, mi tlaitu si awk kan cawnpiak hna lai” tiah a leh ve. Zul (follow) tinak zawn te ah hin Greek zoh a biapi ngaingai. Greek ahcun biafang pahnih a hman. A pakhatnak biafang cu δεῦτε (deute) ti a si i, “ra” (come) silole “atu ra” (come now) tinak a si. A pahnihnak biafang cu ὀπίσω (opiso) ti a si i, a sullam cu “zul,” silole “zulh” tinak a si.

Cucaah, Jesuh nih Peter le Andrew cu “Ra u, ka zul u” a ti hna, tiah leh khawh a si hnga. Jesuh nih annih cu, “Ra u, ka zul u” a ti hna tikah, annih nih chikhatte ah an zulh colh. An rian an kaltak i an zulh colh (v. 20).

“Ngatlai” an si. Cu lio i ngatlai cu mi sawhsawh an si. Kan lungfiannak ah, 1) mi sifak an si. Phundang in chim ahcun, miphun niam an si. 2) cawnnak ngei lo an si. Mi nih zawmhtaihngai mi an si. 3) pawcawmnak rian a ṭuan ve mi an si. Cu bantukminung cu Jesuh nih zultu ah a thim hna. A rum, a fim, a ṭhawngmi a thim hlei hna lo. Pathian khuaruah ning le minung khuaruahning cu an i dang ngaingai. Isaiah 55:8 ah, “Ka ruahning cu nan ruahning a si lo, ka thil tining zong nan thil tining he an i khat lo” a ti mi kha a si.

Jesuh nih rianṭuan a rak i thok ah “zultu” a rak herh ruang ah “Rau, ka zul u” tiah a rak ti hna. Tu ni, tu caan zong ah hin Jesuh nih “zultu” a herh ṭhiamṭhiam. “Ra u, ka zul u” a kan ti. Zeitindah kan leh cio ve hnga? Mirum, mifim, mithawng tuk ah nai hmuh ahcun na zul kho lai lo. “Thlarau ah a si fakmi ka si” silole “Michambau ka si” ti aa thei lomi nih cun kan zul kho lai lo (Matt. 5:3).

Jesuh nih, “Ka zul” a kan ti.

-……..

A dangdang rel chap na duh ahcun; PDF, EPUB, Kindle version le a cauk zongin cawk khawh asi.

Additional information

Author

Format

, , ,

Language

Pages

183

Year Published

Reviews

There are no reviews yet.

Be the first to review “Nifatin Van Mana: Pathian Duhnak le Lehnak”