Featured

Vawleicung Miroling 25

Vawleicung Mi Roling – 25 cauk fate hi 2012 Kum chungah Delhi, India ram ka rak um lio, caan tettawt ngai bu in ka rak tialmi a si. Caan tam deuh pek khawh lo ruangah a tawinak tein tialmi a si caah chanbaunak tampi a um. Caan rem a um ahcun tlawmpal chap khawh ding hi catialtu ka saduhthah a si. – Mang Hlei Cung

Author

SKU: N/A Categories: ,

$7.00

Clear

Description

Biahmaithi

“Caṭialtu Mang Hlei Cung hi pumpak in ka theih balmi asi lo. Amah zong nih a ka thei bal Hlei lai lo. Zeitin le zeitin dek “Vawleicung Miroling” timi cauk ka chuah hnek i biahmaithi na ka ttialpiak kho lai maw tiah mail a rak ka kuat. Lunglawm tein “ehlaw” ka ti i ka cohlang colh ve. Biahmaithi na ka ṭialpiak kho lai maw timi ah kaa lawmh asi lo. A cauk minah “Vawleicung Miroling” a timi hrimhrim ah kaa lawm.

Laimi kan pa Rev. Dr. David Van Bik (tleicia) nih, “Laimi cu mithi pangpar peek kan thiam ngai nain, a nungmi pangpar peek kan i harh ngai” a timi Muko Mekazin ah a si rua, ka rel bal. Khoimaw ca ka ttialnak ah Saya Van Bik hi “zaangfak tein” ka rak ti bal. Mi nih upat le thangthat hi Laimi nih kan uar ngaingai hna nain, kanmah nih mi va upat ding le va thangthat ding cu kan i harh taktak ve. Culioah “Vawleicung Miroling” timi, mi upatnak le mi thangthatnak cauk a chuahtu Mang Hlei Cung hi ka uar taktak. Cucaah “Ehlaw” tiin ka cohlang colh hi asi.

“Vawleicung Miroling” timi cauk hi “Ṭhenkhatnak” le “Ṭ henhnihnak” “Ṭhenkhatnak ah Confucious kong Bawi Jesuh konglam he pehtlainak a ngei timi in aa thawk i, Aristotle le Socrates in Muhammad le kan pi Aung San Suu Kyi tiang an konglam le an tuanbia vialte a ṭial. Zeitindah a theih cawk tiawk in an konglam a Tling dih khirkhiar. Ṭhenhnihnak ah Bawi Jesuh Zultu Thomas le Paul konglam in a thawk ṭhan i, Martin Luther le Mother Teresa in Sadhu Sundar Singh le Billy Graham tiang an konglam Tling” “khitkhiat in a ṭial ṭhan. Hi liangluang minung hna an konglam le an sining tuanbia vialte a kawl, a rel, a khawmsuat hmuah a ṭial rih i cauk in a kan chuah piaktu Mang Hlei Cung hi pumpak in ka upat ngaingai. Hi cauk hi Laimi nih kan i ngeih cio i kan rel ve cio ko ahcun Laitlang khuate pakhat ah khua a sami khuate fa hmanh si ko usih law, a ṭhangcho tuk cangmi le aa thleng cuahmahmi vawleicung ah kan i tlum ve hrimhrim ko lai Tinak asi.

Pathian kan va zumh le zumh lo, Bible ca kan va rel le rel lo kha va um rih seh, Laimi asimi paoh nih Lai Bible cauk ngeih ding timi hi Laimi thluak le Laimi thinlung ah hrawh khawh ti lo dingin a Nung cangmi asi. Hihi cu Laimi lungput le khuaruahning ah ka uar bikmi asi ko. Cu ve bantuk in Laica in chuahmi cauk cheukhat hi Lai Bible cauk Ngeih in kan i ngeih awk tlak an um len ve ko. Cu chungah Mang Hlei Cung ṭialmi “Vawleicung Miroling” timi cauk hi aa tel ve. Laimi nih caṭialtu Mang Hlei Cung hi lawm cio hna usih!

Perhkalh

Egersund, Norway

Additional information

Language

Format

, ,

Pages

199

Year Published

Author

Reviews

There are no reviews yet.

Be the first to review “Vawleicung Miroling 25”