Saṭil Lodum (Animal Farm)

Biahmaiṭhi

1945 kum ah rak chuah mi hi Saṭil Lodum (Animal Farm) cauk cu, 1917 kum in 1945 kum karlak chung Russia ram Dothlennak (Russian Revolution) kong le mibu khuasak-tintuk ning kong kha saṭil pawl minung ah canter hna in an sining langhternak tuanbia thilcang a si. Dangkhat lei in cun, communist party hruaitu upa pawl dohnak i ti hnawh hraam phun in ṭial mi cauk a si.

Hi cauk hi ram cheukhat ah cun sianginn cawn awk zong ah an hman. An cawn duhnak a ruang tampi chung ah, siangngakchia hna nih ram uktu hna sining thuk deuh in thleidan le khingthlai thiam khawhnak, nifa an nunnak ah zei bantuk zalonnak dah an ngeih timi hngalhfian khawhnak, cu in an ruahnak le an hmuh ning fiang tein chimrel ngam khawhnak ca zong ah aa tel.

Hi cauk a ṭialtu Mr. George Orwell cu India ram chuak England ram mi a si. Amah cu 1903 kum ah a chuak i 1950 kum ah a thi. Kawlram ah 1921 kum in 1927 kum tiang palek bawi (Assistant Superintendent of Police) a rak ṭuan bal mi a si.

Cung Bik Ling